Di naüng, azpe ma hatt khött, gian å in Kamöündar boda håm zornìrt sèlbart zo giana vür zo arbata pittnåndar vor daz mindarste in 3 dianst zbisnen in sèllnen darkhennt in provedimént (djeneràl Sekretariat, ågestèllte un organizatziong, tèknesche åmt, gehaüs un gebit, meldåmt, komertscho, un informatesche dianst) odar 2 dianst azta zbisnen disan izta da finantzièll vüarom.
Aniagladar Kamòu boda arbatet pittnåndar pinn åndarn mage aunemmen z’arbata a naügez mentsch. Dar provedimént khütt o bele kriterie ’z mochanda haltn di Kamöündar boda nèt håm gèlt genumma dise mang vorschan an schütz dar Provìntz zo maga zaln almånko vor di earst zaitn ’z mentsch ågestèllt.
In provedimént ågenump haüt soinda andre möglichkait zo maga åstèlln laüt azpe statt pintar, stadjonàl un vor gekhennata zait in di månat boda zuarkhemmen mearar turistn, ditza vor di Kamöündar boda soin vorånavür vor in dianst vor statt pintar.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
