In da earst arbat khinta inngenump dar Dipartimént vo Ekonomì un Management boda mocht validiern in metodo genützt zo schètza di zisan von provintziàln emtar balza zuargem gèlt un vodar Cassa del Trentino zo atualizìara di schütz. Da zboate arbat geat å in Dipartimént vo Zivil Inzenierì, Umbèlt un Mekånik un ’z provintziàl Åmt vorz ’z bazzar un kraft. ’Z khinta o inngenump dar Dipartimént vo Ekonomì un Management nåzosüacha bia zo vornaügra in kraft sistèm un bia zo nütza pezzar ’z bazzar in Trentino un zo macha darkhlekhan daz mearaste boma mage vor in teritòrio di strategeschen arbatn boda khemmen vürgetrakk, machante khrescharn di kompetentzan von laüt bodada lem. APRIE bart mang håm a hilfe azpe metodo un bizzschaft zo kheara zuarzogeba in konkoréntz di groazan netzan von bazzarkraft. Da draite arbat iz khent vürgelekk von Åmt vor di zungmindarhaitn un européan audit pittnåndar pittar fakultét vo Rèchtbizzschaft un iz zo macha a lirnpuach afte zungmindarhaitn zo nütza vor Sotziàlkunde in di obarschauln.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
