Traduzione in cimbro
Kamöündar afte konfìn a naügar regolamént zo halta di fond
Bazta iz khent vürgelekk zo bèksla macht auz azta di arbatn håm zo prenga guatz in Trentino un in Südtirol
A naüga regoalméntatziong vor in fond boda åsteat in Kamöündar afte konfìn zoa azta ’z gèlt mage khemmen zuargètt bahémmegar, machante asó destrar auleng prodjèkte boda håm vèrt vor di gemainschaft von Trentino un von Südtirol. Disar regolamént bart sicharn azta khemm guatz vor in Trentino un darzuar bartz soin destrar drauschaung azta ’z, gèlt gelekk vodar autonome Provìntz vo Tria o vor di lentar auz redjong boda konfinàrn pinn Trentino un pinn Südtirol, khemm genützt azpe ’z hatt z’soina.
Dar glaich Komitàtt boda haltet in font von kamöündar afte konfìn hatt ågeheft nåzoschauga da naüge vürlegom vor in regolamént von font, boda khint z’soina pezzar un höatrar baz dar sèll bodada iz est. Dar briaf haltet kunt vo naüge istitütt boda soin khent augelekk sidar bintsche azpe da naüge organizatziong drauzoschauga afte progrémm un nåzostiana in hilfan aft groaze aree, darzuar auzmachan pezzar bia innvånga di obarteritoriàln emtar o (di Redjongen Veneto un Lombardia pinn Provintzan vo Belùn un Sondrio) vor bazta ågeat di möglichkait azta dise – durch funtziongen abegètt von glaiche Komitàtt o – mang darkhennen garade sèlbart in font un auzgem ’z gèlt.
(cdt)
Immagini
