In konkors mangda nemmen toal saiz di pürgar alumma sèlbart saiz baispil, firme, kamöündar, feroine, istitutziongen, schualn boda stian odar håm soin legàl setz in Tirol, Südtirol un Trentino.
Ma mage nemmen toa in konkors pitt provediméntn, initziatìvan, manifestatziongen, prodjèkte, prodotte odar dianst (sa gemacht, nå zo macha odar nå z’soina nidargelekk) boda ågian in lentar von Euregio un darzuar o idee un vürlegom boda mang khemmen gemacht un boda nåhelvan auzohalta un vürzotraga di kooperatziong zbisnen in turismo un di låntbichtschaft. ’Z soinda khent vürgelekk prais vor 6.000 euro.
Bia zo nemma toal
Zo nemma toal mochtma inngem an prodjèkt durch in briaf boma mage abenemmen vodar websait von konkors (https://www.tla-euregio.info/default_ita.aspx) khöbaz vor a prodjèkt ’z iz daz mearste 3 saitn A4 un darzuar magatnda soin åndre briavan (artìkln afte djornél, press meldung odar åndar azta dar prodjèkt iz sa khent gemacht).
Fin benn
Dar lest tage zo maga nemmen toal in konkórs iz dar 17 bintmånat 2021. Dar briaf zo nemmada toal un allz bazta ågeat in konkórsmang khemmen geschikht durch mail in pdf atz all’indirizzo info@TLA-Euregio.info A djurìa bart zornìrn un khön berda hatt gebunnt. Dar prais bart khemmen gètt auz pan långez 2020.
Allz bazta iz zo mocha bizzan venntmaz afte websait: www.tla-euregio.info; zo bizzasan mearar vorsan dar gesèllschaft Transkom sas durch mail schraibante atz info@transkom.it odar årüavante in nummar +39 339 5308823.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
