Traduzione in ladino
Avis per l recuperament de banchèdes agricoles tradizionèles: co fèr a portèr dant la domana
Dai 16 de aost ai 15 de otober ence tras email
Dai 16 de aost se pel portèr dant la domanes de contribut pervedudes da l’Avis 2021 per intervenc de recuperament e comedament di mures a sech e de la banchèdes agricoles tradizionèles, a valer sul Fon per la neva calificazion di insedimenc storics e del paesaje, aldò de chel che l’é stat stabilì da na deliberazion de la Jonta aproèda da pech aldò de na proponeta de l’assessor a l’urbanistica e ambient. Pel domanèr l contribut, demò i privac, opuramenter la persones fisiches o aziendes agricoles e autra firmes che les é patrones de mures a sech delaìte del tegnir del Trentin, e che les vel meter a jir lurieres de recuperament e comedament. Ai raions de la Val de Cembra e de la Val de Gresta scric ite tel register nazionèl di paesajes de campagna de la usanzes agricoles e de la cognoscenzes tradizionèles ge é stat resservà l derit de prezedenza.
La domanes les pel vegnir portèdes dant con scomenz dai 16 de aost del 2021 enscin ai 15 de otober del 2021, con chesta modalitèdes:
- tras posta eletronica (zertifichèda e no) demò a la direzion serv.urbanistica@pec.provincia.tn.it;
- tras racomanèda con rezepis de retorn, e te chest cajo fèsc fe l stempel de l’ofize de posta che l la ciapa, al Servije Urbanistica e stravardament del paesaje;
- a man al Servije Urbanistica e stravardament del paesaje, a Trent te Strèda Mantova, 67 da les nef da doman a mesdì, opuramenter ti portìe de assistenza e informazion al publich de la Proviniza autonoma de Trent loghé fora per l raion.
La documentazion che ge vel portèr dant l’é chela che l’é sun chest link:
http://www.urbanistica.provincia.tn.it/fondo_paesaggio/-privati/pagina123.html
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
(cdt)
Immagini
