“Di musìk boda hatt gebunnt bart khemmen genützt azpe ufitziàl bånda vo Arge Alp balda bartn soin vairta, un azpe sigla boda bart darkhennen disa pintom vo zen redjongen, Länder un Kantòü von Taütschlånt, Beleschlånt, Österraich un Svaitz” ditza gedenkhta dar Landeshauptmann von Saltzburg Wilfried Haslauer, Vorsitzar vo Arge Alp.
“Disa iz da ears bòtta bode gebinn an bichtege prais un pin kontént zo haba gebunnt diasn boda geat übar di grentzan”, asó hatta khött Valentin Gasser. Dar Gasser iz gebortet ’z djar 1991 ka Poatzan, dar iz khent abegelirtn zo faiva in saksòfono von vatar un sin ’z djar 2010 izzar gånt in di musìk schual vo Poatzan. Sidar azzar hatt 12 djar numpar toal dar bånda vio San Quirino. Von djar 2010 sin ’z djar 2018 hattar studjart in di kunst un Musìk Universitét vo Wien (boda alóra izzese gehoazzt Konservatorium Wien Privatuniversität),an earstn faivante in saksòfono un dena Jazz kompositziong. Dar hatt genump toal in mearare workshop un iz gest schüalar vo Bobby Watson, Bob Mintzer, Jim Snidero un Eric Alexander. Sidar in summar 2018 Valentin Gasser lebet in Südtirol lirnt in di musìk schual vo Poatzan, faift un lekk panåndar mearare prodjèkte saiz vo jazz saiz vo klassìk musìk un musìk vor bånda.
Di lånt djurì hatt gehatt zornìrt di musìk geschribet vo Sebastiano de Salvo azpe da peste zbisnen in sèlln vodar provìntz.
Pitt zen toalnemmar in viar state
sidar azze iz khent augelekk sidar ’z djar 1972 Arge Alpe iz a bichtega nètz boda geat übar di grentzan un gitt vèrt in sèll boda khint getånt in di Alpm übarhaup vor bazta ågeat dar umbèlt, dar kultur.
’ Z khemmenda inngevånk viar state taütschlånt, Beleschlånt, Österraich un Svaitz un dise kantòü/redjongen/provintzan, in gåntzan ka. 26 mildjü laüt:Trentino, Südtirol, Bayern, Saltzburg, Tirol, Vorarlberg, Lombardia, S. Gallo, Ticino un Grigioni.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
