Dar akòrd untarschribet haltet inn o an åndra bichtega naüge, da sèll auzolega an spetzifegen sektor in Trentino Digitale gehoazt “Azioni Enti Locali” boda iz lai gåntz augelekk vor di kamöündar boda nå in sèll boda iz auzgemcht von kontratt nètz bart håm zboa setz ka Tria: ummadar ka Trentino Digitale un dar åndar kan Konsòrtzio von Kamöündar.
Dar naüge sektor bart soin dar referént punkt vor alle di progrémm un vor alle di arbatn boda ågian da tèknologesche vornaügom un di didjitalizatziong von trentinar Kamöündar.
Di struktùr bart någian in sèll boda bart auzmachan dar vüarar Komitàtt boda bart gem an operatìf un stretegesche schütz in Kamöündar afte di tème vodar didjitalizatziong, vornaügarom un bèkslom zo riva afte ziln un zbindn vodar Didjitàl Agenda un darzuar – khinta khött in akòrd – machan di sèlln haup sachandarn von Plån vor drai djar vor di informatika in da Òffentlesche vüarom 2020-2022.
Dar sektor augelekk vor di Kamöündar bart auzmachan bele ’z bartn soin di arbatn, un di dianst vürzovüara in protzèss vodar didjitàl bèkslom von lånt emtar.
Bele aree un bia ’z barta arbatn di pintom iz besteteget von provitziàl Asesoràtt Vürzotrag di Ekonomì, boda khütt ke Trentino Digitale un dar Konsòrtzio von Kamöündar bartn monitoràrn aulesan un gem vèrt in sèll boden impaitn un håm mångl di Kamöündar azpe didjitàl dianst un nåzohelva atz ditza vor se sèlbart un vor di lentar.
Da strategesche pintom bart vüarn zo haba prodjèkte un naüge dianst pittnåndar, pittnåndar pittar Provìntz vo Tria; darzuar in vèrt boda khint gètt in kompetentzan un in ruolo von Konsòrtzio von kamöündar un vo Trentino Digitale, un vor earst vor di sèlln sachandarnzo macha pittnåndar pinn vüarom un pinn Toalkamöündar.
In setz von Konsòrtzio von kamöündar barta khemmen inngerichtet a “Informatìf Schaltarle” azpe referént punkt vo daz sèll boda khint gevorst übar dar didjitalizatziong un daz sèll boda khint getånt in di lentar.
Di zboa gesèllschaft bartn mochan darkhennen un machan a mappa von web dianst schètzante di qualitét un bisa gian guat vor di lentar, ma daz earst vo allz bartma arbatn auzolega un vürzovüra didjitàln dianst un app. Un abezolirna di laüt boda arbatn in di Kamöündar.
Trentino Digitale un Konsòrtzio von kamöündar bartn sicharn vürzotraga vor alle genoatn di gelaichegen stratedjì, stianante nåmp in Kamöündar zo zornira bele teknolodjian zo nütza un bia zo nemma toal atz provintziàl un natzionàl initziativan, drinn in di stratedjian vodar didjìtal bèkslom vodar autonome Provìntz vo Tria.
Di zboa gesèllschaft sa haüt soin drå z’arbata pittnåndar pittar Provìntz, nå inar natzionàl initziatìf vor da didjitàl bèkslom, auzolega un auzzogeba, in alln in Kamöündar, a zen naüge didjitàl dianst, vor alle gelaich in da gåntz Provìntz, vor di pürgar.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
