Con n numer semper più gran de jent che rua te zenter de prum aiut zenza apuntament e l smaorament de la domana per aer prestazions sanitères, l’é entravegnù l besegn de definir endodanef la modalitèdes de endrez che serf per troèr fora la prioritèdes de azess a la vijites mediches. Dèr sù i codejes de priorità aló dal zenter de prum aiut l’é l’ejit de na valutazion infermieristica metuda jù te l’ambit de l’atività de triage e l vegn fat aldò di elemenc palesé endèna la valutazion del malà.
Tel definir endò la funzion de triage, co la neva desposizions de endrez nazionèles, defat, se vel miorèr l moment canche vegn tout a cèria l pazient e l scomenz de n tratament de prescia. L’obietif l’é ence chel de arsegurèr n sistem de triage infermieristich pervalif sun dut l tegnir nazionèl, out envers ai neves besegnes de sanità de la jent e che l passenee co la evidenzes scientifiches internazionèles più neves, che l ge respone ai besegnes de ades di contesć operatives, tel respet de la segureza de la cures, ge metan vèrda soraldut ai sogec con problemes psicosozièi, a na moda da meter a jir na dreta valutazion e, jà dal scomenz del percors de cura, de tor a cèria la persona coche carenea.
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
