Traduzione in ladino

Varianta de Cianacei-Ciampedel, la Provinzia scouta i besegnes del teritorie

N moment per scutèr i besegnes e vardèr fora na opera de gran emportanza che la comunanza de Fascia la speta da pez. La varianta Cianacei-Ciampedel l’é stat l’argoment prinzipèl de la scontrèda, stata alò da la senta de piaza Dante, anter l president de la Provinzia autonoma de Trent e i ombolc de la aministrazions de comun enteressèdes, Cianacei e Ciampedel, a chela che à tout pèrt l conseier provinzièl ladin e vizepresident del consei regionèl e di sorastanc provinzièi del Partiment infrastrutures e de Apop-Agenzia provinzièla operes publiches.
Se trata de n nef confront su l’argoment, te l’ambit del percors jà en esser, da chel che l’é vegnù fora na condivijion de mascima del percors che l’é stat pissà, per chel che podarà esser vardà fora la proponetes portèdes dant dai teritories. Per ejempie dintornvia l’argoment de l’area verda del raion a pra e per portèr inant l’area sportiva.
Da chiò se jirà inant coi studies che l’é de besegn, per ruèr al projet e a sia realisazion.
L president l’à confermà che la provinzia la é ascorta ai besegnes de la comunanza e a la leta per rejonèr dintornvia chesta proponetes. L’é stat sotrissà amò apede l valor de la cordanza anter teritories per portèr inant chesta opera emportanta, che l’à n cost de 70 milions de euro per la pruma unità funzionèla de l’intervent che l’é spartì te doi pèrts.