Dar uantze kòditze vor in vorvors gitt zuar åzovorsa in tupfar z’sega bi ma sait gepezzarrt nèt pellar azta auz soin di zen tage sidar azma hatt gemacht in tupfar positìf; pinn gelaichege kòditze makma bidar åvorsan an åndarn tupfar azta dar earst hettat no z’soina positìf dòpo 15 tang.
Pinn kòditze in di hånt, makma åvorsan in tupfar z’sega bi ma sait gepezzart in Cup online (https://cup.apss.tn.it) odar durch in portàl TreC (https://trec.trentinosalute.net/home) un di App TreC_FSE zornirante umman mearare setz von drive through boda da soin.
Bar gedenkhan ke di laüt boda hettatn z’soina positìf in tupfar saiz molekolàr saiz antigenico mochan stian inngespèrrt vor 21 tang dòpo gemacht in tupfar. ’Z khemmenda vürgelekk zboa molekolàr tupfar ummadar dòpo 10 tang un in kaso an åndadar dopo 15 tang von earst test: azta ummadar von zboan khemmat z’soina negatìf makma auzgian pellar. Azta alle poade di tupfar hettatn z’soina positìf dòpo 21 tang (von earst tupfar positìf) makma auzgian åna zo haba mengl vo åndre test, (‘z iz genumma stian garècht sidar a boch).
Dar zertifikàtt z’stiana inngespèrrt khint gekhluppet in refèrt vor alle di positìvan von 12 von bintmånat vort. Berda hatt gevånk in refèrt vor disan tage mocht paitn z’soina ågerüaft vodar zentràl saiz vor in zertifikàtt z’stiana inngespèrrt saiz zo maga åvorsan zo macha in tupfar z’sega bi ma sait gepezzarrt.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
