L’é demò un codesc de prenotazion e chest l dèsc l met de prenotèr l tampon de varijon no dant che sie passà diesc dis da canche l’é stat fat l tampon con ejit positif; col medemo codesc se podarà resservèr, se l prum tampon l fossa amò positif, ence l secont tampon de varijon dò 15 dis.
Col codesc, se pel prenotèr l tampon de varijon al Cup online (https://cup.apss.tn.it) o sul program TreC (https://trec.trentinosalute.net/home) e co l’aplicazion TreC_FSE, cernan anter la sentes di drive through sul teritorie.
Recordon che la jent positiva a un tampon spedient o molecolèr cogn stèr en isolament per 21 dis da canche vegn fat l tampon. Donca vegn programà n tampon molecolèr dò 10 dis e dò semai 15 dis, dò dal prum test: se un di doi tampons l fossa negatif, l’isolament l fenesc dantfora. Se i doi tampons i é positives, dò 21 dis (da canche l’é stat fat l prum tampon positif) no se é più en isolament e no l’é de besegn de fèr de etres test (aboncont demò se l malà, per na setemèna, no à più sintomes).
L zertificat de isolament l vegn enjontà tel resultat per duc chi é positives a scomenzèr dai 12 de november. Chi che à ciapà l resultat de esser positif dant de chesta dì, l vegnarà contatà da la zertèla tant per l zertificat de isolament che ence per la prenotazion del tampon de varijon.
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
