Traduzione in cimbro

Stòrege provintziàl foto arkìf: dise di naüng bestimmung

Dar stòrege provintziàl foto arkìf, zuargètt dar Sovraintendéntz vor di kulturàl sachandarn, iz a gåntz a groazar haltar vo mearar baz an mildjù un an halm foto, auzgetoalt in 53 font boda gian von djardar achthundart sin haüt zo tage, pitt pildar vo hundartar autör boda håm gètt daz soi zo schraiba di stòrdja vodar fotografia in Trentino, zbisnen disan, dar Giovanni Battista Unterveger, di prüadar Pedrotti un Flavio Faganello. ’Z soinz pildar zuargelekk sin von djar Zbuantzekh pinn zil zuarzohalta bazta ågeat dar vüarom un dena vil gekhreschart in di lestn djardar ankunto azta soin khent ågenump mearare groaze arkìf un såmmelung, ditza nå in naüng gesetz un in interèss boda iz khent hèrta mearar in dise djar vor da stòrege fotografia azpe kultùral sachan. D’akòrdo pinn strategesche Plån vürzovüara di fotografia in Beleschlånt, da provintziàl Djunta, nå in sèll boda hatt khött dar asesór vor di schual, di universitét un kultùr, Mirko Bisesti hatt ågenump di naüng bestimmung zo maga zoang in laüt disan schatz darzuar soinda o khent detzidart di naüng regln baz z’ala un di naüng rècht zo maga düppln disan matardjal. Alle dise naüge regln soin khent gezoaget atz 19 von lentz von asesór Mirko Bisesti, von verantwortlich Franco Marzatico, von dirèktor von Åmt vor di stòrege-kulturàl sachandarn Luca Gabrielli un vodar funtzionardja vodar sovraintendéntz Katia Malatesta, regln boda håm in zil zo macha allz mearar ainfach un zo macha khennen pezzar un zuargian destrar in arkìf, boda mocht khemmen gehaltet, nèt lai azpe an istitut boda haltet da kunt di sachandarn, ma übarhaup an zentrum boda helft zo macha khennen ’z gebizza.
“Dar zil – hatta khött dar asesór vor di kultùr – iz dar sèll zo macha khennen disan groaz schatz vo foto, machan azta di laüt mang zuargian, un gem mearar vèrt disan bichtege arkìf boda innhaltet tausankhtar un tausankhtar foto, machante az saibe herta mearar an strumént zo gedenkha bazta iz gest, un darzuar machan krescharn un nemmen toal in sachandarn”.
Dar stòrege provintziàl foto arkìf, zuargètt dar Sovraintendéntz vor di kulturàl sachandarn, iz a gåntz a groazar haltar vo mearar baz an mildjù un an halm foto, auzgetoalt in 53 font boda gian von djardar achthundart sin haüt zo tage, pitt pildar vo hundartar autör boda håm gètt daz soi zo schraiba di stòrdja vodar fotografia in Trentino, zbisnen disan, dar Giovanni Battista Unterveger, di prüadar Pedrotti un Flavio Faganello. ’Z soinz pildar zuargelekk sin von djar Zbuantzekh pinn zil zuarzohalta bazta ågeat dar vüarom un dena vil gekhreschart in di lestn djardar ankunto azta soin khent ågenump mearare groaze arkìf un såmmelung, ditza nå in naüng gesetz un in interèss boda iz khent hèrta mearar in dise djar vor da stòrege fotografia azpe kultùral sachan. D’akòrdo pinn strategesche Plån vürzovüara di fotografia in Beleschlånt, da provintziàl Djunta, nå in sèll boda hatt khött dar asesór vor di schual, di universitét un kultùr, Mirko Bisesti hatt ågenump di naüng bestimmung zo maga zoang in laüt disan schatz darzuar soinda o khent detzidart di naüng regln baz z’ala un di naüng rècht zo maga düppln disan matardjal. Alle dise naüge regln soin khent gezoaget atz 19 von lentz von asesór Mirko Bisesti, von verantwortlich Franco Marzatico, von dirèktor von Åmt vor di stòrege-kulturàl sachandarn Luca Gabrielli un vodar funtzionardja vodar sovraintendéntz Katia Malatesta, regln boda håm in zil zo macha allz mearar ainfach un zo macha khennen pezzar un zuargian destrar in arkìf, boda mocht khemmen gehaltet, nèt lai azpe an istitut boda haltet da kunt di sachandarn, ma übarhaup an zentrum boda helft zo macha khennen ’z gebizza. “Dar zil – hatta khött dar asesór vor di kultùr – iz dar sèll zo macha khennen disan groaz schatz vo foto, machan azta di laüt mang zuargian, un gem mearar vèrt disan bichtege arkìf boda innhaltet tausankhtar un tausankhtar foto, machante az saibe herta mearar an strumént zo gedenkha bazta iz gest, un darzuar machan krescharn un nemmen toal in sachandarn”.