Martedì, 28 Settembre 2021 - 09:58 Comunicato 2665

Traduzione in mòcheno
S ist schoa’ s zeichente vòrt as kimmp pfaiert der Festival van jungen van Euregio

Haier, draisk junga as kemmen van Tirol, van Südtirol ont van Trentin barn toalnemmen en trèff

En vraita as de 24 van leistagest, kan Landhaus va Innsbruck, hòt se gahòltn ver de zeichente vòrt der Festival van Jungen van Euregio. Der ist kemmen inngabichen en 2011 – s glaiche jor as ist augòngen der Euregio Tirol-Südtirol-Trentin – ont propre ver dòs kimmp er tschazt abia “mama” van òlla de projektn van Euregio as kearn en de jungen.
En gònzn kemmen envire trong nai’n projektn Euregio as jor, van Euregio Summer Camp, as de Luftkapelle van jungen van Euregio, asn Euregio Academy; de sai’ iberhaup gamòcht ver de jungen van Tirol, Südtirol ont Trentin. Der rif ist der sèll za verglaimern de jungen van drai lander ont iberhaup en de unterschitn ont en de glaichekaitn van Euregio ont gilt gem en de sproch.
Beate Palfrader e Matthias Fink con i coordinatori dei gruppi tematici del Festival della gioventù [ Crediti fotografici: Land Tirol/Reichkendler]

Haier ver schult va de kronket Covid, lai 30 junga van drai lander meing toalnemmen en Festival van Jungen as ist gaben en Steinach as de 22 finz as de 25 van leistagest. S drau klòffen en as en tema van Euregio ist kemmen gamòcht pet de politiker vourstea'ner ont auskenneta lait van Euregio. Ver za riven der programm s sai' kemmen gamòcht de suachen en Bèlt van Gruam BBT ont de untersuach va de stòtt va Innsbruck.

Vour de kronket van Covid en merz van 2020, s hom toalganòmmen 60-90 junga en an iata van drai lander van Euregio. Van 2012, der Festival van Jungen van Euregio ist schoa' gaben en 23 Gamoa'n. En gònzn mear va 700 studentn hom gòp de meglechket za kennen der Euregio ont de hom kennt an schouber kamaròttn gèltsgott en Festival van Jungen van Euregio.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: