Bia zo macha di test in di spetziarie
Di spetziarie boda machan di tèst bahémme bartn mochan meldn ke da håm ågenump in natzionàl protokòll dar Apss, pitt disarn mail abilitazioneesterni@apss.tn.it. Di spetziarie boda arbatn azpe frai profesionìstn in Provìntz mang gian vür pitt soinar arbat un bartn khemmen gehaltet toalnemmar in protokòll.
Bia ’z mangda nemmen toal di laüt atz trèff, sportìf manifestatziongen schauspil in strukturn azubene un innbene
Haltante vest in zbing zo haba in grümma zertifikàtt Covid khinta besteteget ke daz mearaste mangda nemmen toal lai dar 50% vo alln in sèlln bodada magatn stian.
Trèff un åndre sachandar bodase haltn in baite plètz nèt inngespèrrt
’Z izta nèt mångl zo haba in grümma zertifikàtt vor di sèlln trèff un åndre sachandarn bodase haltn in baite plètz nèt inngespèrrt boda nèt håm darkhennate un uantzege inntret, un boda mang nemmen toal laüt boda nèt soin sèmm lai vor dise trèff un boda mage zuargian aniaglaz boda bill un haltnse in sött plètz boda nèt soin augelekk lai vor trèff schauspil un åndre sachandarn asó baz. Ma besteteget anvétze bazta sa iz khent vürgelekk vor sagre un fiarn, ma mage zuargian lai pinn grümma zertifikàtt covid un berda herichtet dise sachandarn tarft auzleng di djüstn kartèlln bodaz khön; azta khemmat gevånk epparummaz åna zertifikàtt barta khemmen gestraft lai daz sèll mentsch un nèt berda hatt hergerichtet in trèff azta ditza hatt gemacht bizzan djüst baz ma hatt zo tüana.
Kublpån offe vor in summar turismo
’Z khinta besteteget ke daz mearaste mangda ausitzan dar 50% vo alln in sèlln bodada magatn stian; darzuar zo macha zuargian un vortgian pezzar di laüt boda nützan di kublpån khinta gebèkslt bia zo roata di earstn inntret affon tage hèrta haltante kunt ke daz mearaste mangda ausitzan dar 50% von sèll boda magatn.
Grümma zertifikatziong Covid un bia zo darkhennase in di schualn un in di åndarn istitutziongen boma lirnt vodar Provìntz un in di khindargart
’z khinta zuargètt zo maga nützan di naüng strumentn zo lesa in grümma zertifikàt darzuar dar aplikatziong "VerificaC19" in schual diridjéntn von schualn un vo alln in schual istitutziongen vodar Provìntz un in diridjéntn von provintziàln khindargart un von sèlln von privétt o. Darzuar gedenkhtma in zbing zo haba in grümma zertifikàtt vor alle di laüt boda arbatn in di schualn saiz berda lirnt saiz alle di åndarn un darzuar alle di sèlln boda arbatn in di khindargart un vor di sèlln boda arbatn in di schualn innzovånga pezzar di khindar bodasan håm mångl siånka azza arbatn vor privètt konventzionàrt pitt disan istitutziongen un vor alle di sèlln boda håm an arbat boda mage khemmen gehaltet azpe berda arbatet in di schualn.
Vür Linee vor bia ’z mochanda arbatn di institütt von provintziàl schaul sistèm un von dianst sotziàl-lirn von khindrgart un von untarschualn un mittlschualn
Di schual mochtze haltn nå in sèll boda khint auzgemacht von provintziàln vür Linee
Mense vor di arbatar un lokél offe vor in dianst auzzogeba z’èzza in ågestèllte saiz öffentlesche saiz privètt
Di arbatar mang inntretn in di mense z’èzza lai azza håm in grümma zertifikàtt covid
Dar vorschrif un allez bazta iz ågehenk disan venntmen aftz disan link: https://www.ufficiostampa.provincia.tn.it/CORONAVIRUS-Aggiornamenti-e-comunicazioni
