Traduzione in cimbro
Dar Festival von djungen Euregio vairt soine zen djar
Draizekh djunge von Tirol, Alto Adige un Trentino vor di editziong vo haür
Atz 24 von herbestmånat soinda khent gevairt di zen djar von Festival von Djungen Euregio, in Landhaus vo Innsbruck.
Dar Festival von Djungen Euregio iz khent gamacht da earst bòtta ’z djar 2011 – daz gelaichege djar boda iz khent augelekk dar Euregio Tirolo-Alto Adige-Trentino- un propio vor ditza izzar gehaltet alz “muatar” vo alln in prodjètte vürgetrakk von Euregio vor di djungen.
In allz khemmenda gemacht noün prodjètte atz djar, von Euregio Summer Camp, afte Orchestra von djungen pitt’n an àtn strument von Euregio, zo riva aftn Euregio Academy, vor di djungen von Tirolo, Alto Adige un Trentino.
Daz sèll bodaren vürstèllt iz azta di djungen von drai territorie darkhennen daz sèll boda iz åndarz un boda anvetze iz gelaich von Euregio, un darzua zo machanen lirnen di zungen.
Haür, pen in Covid, lai 30 djunge von drai territorie håm genump toal in Festival von Djungen boda iz khent gemacht a Steinach von 22 aftn 25 von Herbestmånat. Da håm draugeredet afta bazda ågeat in Euregio pitt politik laüt un laüt boda, vo Euregio, khennensasan auz. An lestn von raich progråmm, soinsa gånt ’z sega di Bèlt von galerie BBT un di statt vo Innsbruck.
Vorda auz iz gevallt disa pandemì in månat von lentz 2020, 60-90 djunge soinse bokhennt in di drai lentar von Euregio. Von 2012, dar Festival von Djungen Euregio, iz sa gest in 23 Kamoündar. Mearar alz 700 studentn håm gemak khennen in Euregio un naüge tschelln, gratzie in Festival von Djungen Euregio.
Übarsetzt von Türle afta Zimbarzung von Kamou vo Lusérn
(Traduzione a cura dello Sportello linguistico del Comune di Luserna)
(cdt)
Immagini
