Venerdì, 11 Settembre 2020 - 15:43 Comunicato 2080

Traduzione in ladino
Covid, sistemes contra l’empestament amàncol enscin ai 7 de otober

Ordenanza del president de la Provinzia dò dal nef Dpcm

Mèscres de protezion che ge vel tegnir sù ence defora ti lesc olache podessa se binèr jent, distanziament sozièl e uties e bivaches sa mont orii per duc chi che vel.
L’é stat renovà enscin ai 7 de otober la mesures contra l’empestament jà pervedudes tel Trentin dal president de la Provinzia. Chest l’é stat stabilì co l’ordenanza sotscrita dal capo esecutif, dò che l’é stat tout sù l nef decret del president del Consei di ministres. Estra apede, l despojitif l ge và dò al nef sistem nazionèl che fèsc referiment a la persones che rua te la Tèlia da la Croazia, Grecia, Malta e Spagna: no l’é più de obligh fèr l tampon per chi che viaja te la Tèlia opuramenter se i resta per manco che 120 ores.

L president l’à metù dant coche la situazion epidemiologica de anchecondì la comporte l besegn de endrezèr sistemes de stravardament contra l’empestament, sperlongian donca la percacenza de la despojizions metudes en esser con scomenz da la metà de messèl. Tel Trentin resta donca l’obligh de tegnir sù la mèscra de protezion ti lesc daìte, olache pel ite jent e te duta la ocajions canche no l’é possibol stèr da lonc dai etres amàncol n meter ence defora e soraldut tel trat de temp da les sie da sera a les sie da doman. Resta en doura ence documenc, protocoi e endrec de sort organisatif e sanitèr per meter en esser la ativitèdes economiches, produtives, de delet e sozièles. Co l’ordenanza dai 8 de setember vegn renovà tinùltima ence l’obligh de tegnir serà la discoteches e descomanà de balèr ence ti bares e restoranc olache vegn sonà dal vif.
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)

https://www.ufficiostampa.provincia.tn.it/content/view/full/175490 

(cdt)

Fonte: Ufficio Stampa

Versione Stampabile

Immagini

Visualizza Visualizza

Allegati

Potrebbero interessarti: