Venerdì, 11 Settembre 2020 - 15:37 Comunicato 2078

Traduzione in mòcheno
Covid, mosnemmen keing en u’steckt kemmen finz as de 7 van schanmikeal

Schòff van president va de Provinz no en nai DPMR

Schutzlòrven za leing u’ ausbende aa en de platz bou as laicht vil lait hòt, vèrr stea’ ont pèrghittn offet ver òlla de sèlln as es vrong. Der president va de Provinz hòt vernaiert finz af de 7 van schanmikeal, s gilte sai’ van mosnemmen keing en u’steckt kemmen, as en Trentin schoa’ gaben sai’. S sok s es s schòff untertschrim van esekutivschòffer, no as u’ganommen kemmen ist der nai dekret van Ministerrot. Zbischn de òndern dinger, men geat no en nai mosnemm van stòtt as klòfft van lait as kemmen en Balschlònt va Croazia, Grecia, Malta ont Spagna: de lait as verpaigea’ oder plaim ver minder va 120 stunenn en inser Lònt, barn nea’mer miasn der tampon mòchen.

Der President ver de situazion va de krònket en doi moment, hòt gahòltn de mosnemmen keing en u’steckt kemmen, ont hòt verlengert de regln as u’ganommen kemmen sai’ no en de hòlm van heibeger. En Trentin s plaip za miasn de schutzlòrf u’leing en de sperretn platz ont as offet en òlla de lait sai’, ont en òlla de momentn en de beiln as nèt moglech ist ausenònder plaim minder as an metro en sicherket ausbende aa, ont nou mear en de zait zbischn de 18 ont de 6. S plaim gilte dokumentn, protokolln ont regln pet an rif organisativ ont va tsunthait ver en regiar van òrbetn va de birtschòft, van bèrkn, va de vrai zait ont van zòmmlem. Petn schòff va de 8 van leistagest s kimmp vernaiert as plaim sperrt de diskotekn ont as men nèt tònzn mu en de birtn bou as musik spilt kimmp aa.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)

https://www.ufficiostampa.provincia.tn.it/content/view/full/175490 

(cdt)

Fonte: Ufficio Stampa

Versione Stampabile

Immagini

Visualizza Visualizza

Allegati

Potrebbero interessarti: