Der vrai numer 800 867 388 ist ver en earste vòrt gilte gaben en hourneng ver za gem omport en de vil vrogn va nochrichtn van lait, ont der ist otschòltet kemmen en heibeger, benn as de krònkn bea’ne gaben sai’ ont de lait hom bea’ne vrogn gahòp. Ver de zait van u’vòng van schualn, de vrogn ver de ausònder verkearnmittln (Elastibus) ont ver za regiarn de roasn en ont van auslònt ist gilte gaben der numer 800 390 270. En de leistn bochen der doi numer hòt omport gem en de vrogn iber de tamponen aa ont iber de regln van miasn innsperrt en haus plaim. Iaz òlla de vrogn barn u’trong kemmen en numer 800 867 388.
Ber denken en òlla as af de sait va de Provinzal Tsunthaitdinst mu men vinnen òlla de omportn iber en u’stecken se, de tamponen, s miasn innsperrt en haus plaim ont de zait va quarantena (https://www.apss.tn.it/faq-coronavirus), ont af de sait van druckomt va de Autonome Provinz va Trea’t s hòt a toal as klòfft prope lai va de groas noat coronavirus pet òlla de provinzal ont stòtt mosnemmen, de regln ont de protokolln (https://www.ufficiostampa.provincia.tn.it/CORONAVIRUS-Aggiornamenti-e-comunicazioni).
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
