Traduzione in cimbro
Ågenump da naüge Konventziong un dar naüge Statùtt von Gect von Euregio
Da trentinar provintziàl Djunta hatt ågenump di skème vodar Konventziong un von Statùtt von GECT Euregio Tiró-Südtirol-Trentino, an istitutzionàl strument boda hatt azpe zil in sèll auzolega a bichtschaft sotziàl pintom durch a nètz z’arbata pittnåndar di drai lentar. Disar provedimént macht verte vo bazzta ågeat in Trentino, in bege zo vornaügra di zboa briavan, boda soin khent untarschribet von drai vorsitzar von autonome Provìntzan vo Tria un vo Poatzan un von Lånt Tirol sa sidar atz 14 von prachant 2011, data boda iz khent augelekk dar khnopf gehoazt Gruppo Europeo di Cooperazione Territoriale in a gebit boda hatt stòrege pintom un gelaichege traditziongen.
Untarschraibante di Konventziong un in statùtt iztase gemacht hèrta sterchar di mittarbat zbisnen in drai lentar un soinda khent augelekk mearare prodjèkte boda gian zo helva di laüt bodada lem.
Vor bintsche di toalnemmar von GECT haltante kunt vo allz daz sèll boda iz gebèkslt in dise djar un von naüng ziln boma mocht rivan in di djar boda khemmen håm übarlekk zo vornaügra di briavan boda gruntn in organismus un asó håmsa hångelekk z’arbata vor ditza.
Di naüng tèkste vodar Konventziong un von Statùtt vüarn inn naüge sachandarn boda bartn soin vürgetrakk untar dar trentinar vorsitzarom von GETC boda bart åhevan von bimmat 2021 vort.
Dise soinz di bichtegarstn naüge:
- Vorstercharn di Vorsåmmelung, boda est bart soin gemacht vo 15 laüt (pellar soinsa gest 12): dar vorsitzar un an åndadar toalnemmar von esekutìf organe von drai lentar von GECT; di toalnemmar khemmen asó z’soina gevüart vo zboa atz drai di toalnemmar von legislatìf organe von drai lentar von GECT;
- ’Z khinta zuargètt zo måga auleng spetzializarate Djunte drinn pinn toalnemmar von esekutìf organe bodasen drinndarkhennen vürzovüara zèrte sòrt arbatn; dise Djunte bartn soin vürgevüart von toalnemmar von esekutif organo boda iz o toal dar Vorsitzar von GECT;
- Innvången di Kamöündar aulegante in Rat von Kamöündar, an kolsultìg organ boda nåsteat in sèlln teme boden åstian garade un boda sbern aftz dise, dar bart soin gemacht von vortretar von Kamöündar sèlbart boda soin in Euregio Tiról-Südtiról-Trentino un boda soin khent eledjart;
- Innvången di pürgar, aulegante pürger Rat boda nåstian bichtege teme vürzovüara in GECT boda bartn mang inngem operatìf vürlegom pinn rècht zo maga inngem petzitziongen.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
(cdt)
Immagini
