Traduzione in ladino

A scola en segureza: dai 3 de setember va en doura l numer vert 800 390 270

800 390 270 l’é l numer vert per i utenc de la scola, olache strutures e families pel se oujer per aer informazions en cont de la desposizions de segureza pervedudes dai protocoi Covid19 per jir de retorn a scola. Chisc dis va inant la ativitèdes de formazion di operadores e l servije l taca en jebia ai 3 de setember. L contact center l responarà dal lunesc al vender da les 8 da doman fin les 5 domesdì a dò a dò e la sabeda da les 8 da doman fin la 2 domesdì. L numer vert l vegn metù a jir tras l Servije de prevenzion di risesc e la zentrèla unica de energenza, a una col Departiment de l’istruzion.
Vegn recordà amò apede che duta la informazions e i documenc che vèrda l scomenz de l’an de scola 2020/2021 i é stac biné adum te na piata aposta del portal de la Provinzia.